ວິໄສທັດ

ວິໄສທັດການລົງທຶນຂອງພວກເຮົາ: “ ນໍາເອົາມູນຄ່າການລົງທຶນສູງ ແລະ ການເຕີບໂຕແບບຍືນຍົງຂອງການລົງທຶນໃນຂະແໜງການຕ່າງໆໃນ ສປປ ລາວ, ເປັນສ່ວນໜຶ່ງທີ່ສຳຄັນໃນການພັດທະນາເສດຖະກິດ ແລະ ສັງຄົມຂອງປະເທດ”.

ອີງຕາມສະພາບແວດລ້ອມສາກົນ, ສະພາວະຄວາມເປັນຈິງ ແລະ ແນວທາງຍຸດທະສາດຂອງການພັດທະນາ ສປປ ລາວ, ລັດຖະບານແຫ່ງ ສປປລາວ, ໄດ້ວາງວິໄສທັດຂອງການພັດທະນາປະເທດໄວ້ດັ່ງນີ້. ສປປ ລາວ,ໄດ້ສ້າງບາດລ້ຽວໃໝ່ໃນແຜນການພັດທະນາໃຫ້ກາຍເປັນປະເທດທີ່ມີລາຍຮັບສູງຕາມທິດເສດຖະກິດ-ສັງຄົມ, ພູມປັນຍາ, ສີຂຽວ. ແລະ ຍືນຍົງລາຍໄດ້ແຫ່ງຊາດສະເລ່ຍຕໍ່ຫົວຄົນເພີ່ມຂື້ນຫຼາຍກວ່າ 4 ເທົ່າຂອງປີ 2015,ມີອຸດສາຫະກຳເສົາຄໍ້າ ແລະ ໂຄງລ່າງພື້ນຖານເສດຖະກິດທີ່ເຂັ້ມແຂງ,ສຳລັບການຫັນເປັນອຸດສາຫະກຳ ແລະ ທີ່ທັນສະໄຫມ, ເສດຖະກິດຕະຫລາດ, ຕາມທິດສັງຄົມນິຍົມ, ສັງຄົມມີຄວາມສະຫງົບສຸກ, ຍຸຕິທຳ, ມີປະຊາທິປະໄຕ-ສີວິໄລ, ປະຊາຊົນບັນດາເຜົ່າ, ມີຄວາມສາມັກຄີເປັນປຶກແຜ່ນ, ພັດທະນາຕົວເມືອງ ແລະ ຊົນນະບົດ,ຊັ້ນຄົນຕ່າໆ, ຄຸນນະພາບຊີວິດ-ການເປັນຢູ່ຂອງປະຊາຊົນ,ໄດ້ຮັບການຍົກລະດັບສູງຂື້ນ-ຊັບພະຍາກອນມະນຸດ,ໄດ້ຮັບການພັດທະນາ,ສິດທິຂອງພົນລະເມືອງ,ຮັບປະກັນດ້ວຍການຄຸ້ມຄອງຈາກພາກລັດ, ເຊື່ອມຈອດຢ່າງກ້ວາງຂວາງ ແລະ ເລິກເຊິ່ງກັບພາກພື້ນ ແລະ ສາກົນ.
ການປຸງແຕ່ງ, ການຂາຍແຮ່ທາດ, ແຜນການຄຸ້ມຄອງ, ຕິດຕາມກວດກາ, ກ່ຽວກັບຄວາມປອດໄພຂອງບໍ່ແຮ່. ການນໍາໃຊ້ແຮງງານ ແລະ ຟື້ນຟູເນື້ອທີ່ຄືນທີ່ໄດ້ຖືກຮັບຮອງ. ຈັດຕັ້ງຜັນຂະຫຍາຍການພັດທະນາເສດຖະກິດ-ສັງຄົມສ້າງບາດກ້າວໃຫ້ເຂັ້ມແຂງ-ສັງຄົມມີຄວາມສະຫງົບສຸກ, ມີປະຊາທິປະໄຕ ແລະ ຍຸດຕິທຳ. ຕັ້ງໜ້າສູ້ຊົນປະຕິບັດ, ຄາດໝາຍຫຼຸດພົ້ນອອກຈາກສະຖານະດ້ອຍພັດທະນາຢ່າງຕໍ່ເນື່ອງ ແລະ ໝັ້ນທ່ຽງ ຕາມທິດສີຂຽວ ແລະ ຍືນຍົງ.